सोलापूर महापालिकेच्या आरोग्य विभागाच्या उपस्थितीत नागरिकांना स्वच्छतेबाबत सविस्तर मार्गदर्शन
सोलापूर महापालिकेच्या आरोग्य विभागाच्या उपस्थितीत नागरिकांना स्वच्छतेबाबत सविस्तर मार्गदर्शन
सोलापूर :- विजापूर रोड येथील कोटणीस नगर भाग २ परिसरात स्वच्छ भारत मिशन अंतर्गत जनजागृती आयोजन करण्यात आले होते. सोलापूर महापालिकेचे आरोग्य निरीक्षक श्री. दुडडे साहेब यांच्या प्रमुख उपस्थितीत हा कार्यक्रम पार पडला.
कार्यक्रमात सौ. कुलकर्णी मॅडम यांनी स्वच्छ भारत मिशनची उद्दिष्टे, कचरा व्यवस्थापनाची पद्धत, ओला-सुका कचरा वेगळा करण्याचे महत्त्व, प्लास्टिकचा वापर टाळणे तसेच परिसर स्वच्छ ठेवण्याबाबत सविस्तर माहिती दिली. त्यांनी नागरिकांना घरगुती पातळीवर स्वच्छतेची जबाबदारी स्वीकारण्याचे आवाहन केले.
कार्यक्रमादरम्यान स्वच्छ सर्वेक्षण २०२५-२६ संदर्भातील माहिती देण्यात आली. कचरा वर्गीकरण, घराघरातून कचरा संकलन, कंपोस्टिंगची पद्धत आणि सार्वजनिक ठिकाणे स्वच्छ ठेवण्याबाबत मार्गदर्शन करण्यात आले.
यावेळी कोटणीस नगर भाग २ मधील महिला, ज्येष्ठ नागरिक आणि स्थानिक रहिवासी मोठ्या संख्येने उपस्थित होते. उपस्थित नागरिकांनी स्वच्छतेबाबत जागरूक राहण्याची आणि महापालिकेला सहकार्य करण्याची तयारी दर्शवली.
आरोग्य निरीक्षक श्री. दुडडे साहेब यांनी परिसर स्वच्छ ठेवण्यासाठी नागरिकांचा सहभाग महत्त्वाचा असल्याचे सांगत, “स्वच्छ शहर ही आपली सामूहिक जबाबदारी आहे,” असे मत व्यक्त केले.
या कार्यक्रमामुळे परिसरात स्वच्छतेबाबत सकारात्मक वातावरण निर्माण झाले असून नागरिकांमध्ये जनजागृती वाढीस लागल्याचे दिसून आले.
