सोलापूर (प्रतिनिधी) :- सोलापूर रेल्वे स्थानकाजवळील जुन्या उड्डाणपुलाचे पाडकाम करण्यासाठी मध्य रेल्वेने १४ डिसेंबर २०२५ रोजी तब्बल साडेबारा तासांचा मेगाब्लॉक जाहीर केला आहे. या ब्लॉकचा वेळ रविवारी सकाळपासून मध्यरात्रीपर्यंत असेल.
या ब्लॉकदरम्यान मध्य रेल्वेच्या सोलापूर विभागातील रेल्वे वाहतूक सर्वस्वी प्रभावित होणार असून, ११ गाड्या रद्द आणि ८ गाड्यांमध्ये मार्गबदल (Diversion) किंवा शॉर्ट टर्मिनेशन लागू होणार आहे.
११ गाड्या पूर्णपणे रद्द — शताब्दी एक्सप्रेसचाही समावेश
या मेगाब्लॉकदिवशी खालील महत्त्वाच्या गाड्या उपलब्ध राहणार नाहीत:
रद्द गाड्या – १४ डिसेंबर
12025 पुणे – सिकंदराबाद शताब्दी एक्सप्रेस
11416/11415 HPT–SUR एक्सप्रेस (दोन्ही दिशांनी)
11418 सोलापूर–पुणे एक्सप्रेस
याशिवाय काही स्थानिक आणि पॅसेंजर सेवांनाही परिणाम होणार असल्याचे रेल्वेने स्पष्ट केले आहे.
मेगाब्लॉकदरम्यान काही गाड्यांच्या मार्गात बदल करण्यात आला आहे तर काही गाड्या नियोजित स्थळापूर्वीच थांबतील.
वळवलेल्या गाड्या:
म्हैसूर–पंढरपूर एक्सप्रेस (16535/16536)
टीव्हीसी–सीएसएमटी एक्सप्रेस (16332)
एसबीसी–सीएसएमटी एक्सप्रेस (11302/11301)
शॉर्ट टर्मिनेशन / सुरूवातीचे बदल:
पुणे–सोलापूर एक्सप्रेस (12169) फक्त कुर्डुवाडीपर्यंत धावेल
सोलापूर–हासन एक्सप्रेस (11311) कलबुरगी येथून सुरू होईल
पाडकामासाठी अत्याधुनिक क्रेन, कटर आणि हायड्रॉलिक मशिनरीचा वापर होणार आहे.
कामात खालील विभागांचे अधिकारी सहभागी असतील:
ADEN/T/SUR
SSE (P-Way)
SSE (Special Works)
ब्लॉकनंतर पहिली ट्रेन फक्त १० किमी प्रतितास वेगाने चालवून ट्रॅकची सुरक्षा तपासली जाईल.
रेल्वे प्रशासनाने प्रवाशांना सुचित केले आहे की —
* १४ डिसेंबर रोजी प्रवासापूर्वी गाडीचे अपडेट तपासावे
* रेल्वेच्या वेबसाइट, हेल्पलाइन वा NTES अॅपवर वेळोवेळी रेल्वे स्थिती अपडेट मिळू शकते
* मेगाब्लॉकदरम्यान स्टेशन परिसरात गर्दी टाळावी आणि रूट बदल लक्षात ठेवावेत
या ब्लॉकमुळे कामधंद्यासाठी, वैद्यकीय कारणांसाठी आणि यात्रेसाठी प्रवास करणाऱ्या प्रवाशांना अडचणींचा सामना करावा लागणार आहे. शताब्दी एक्सप्रेस रद्द होणे हा या भागातील प्रवाशांसाठी मोठा निर्णय मानला जात आहे.
