महाराष्ट्र

कार्तिकी यात्रेच्या शासकीय महापूजेचा मान नांदेडच्या शिंदे दाम्पत्याला; उपमुख्यमंत्र्यांसमवेत विठुरायाची पूजा संपन्न!

दर्शन रांगेतून झाली होती निवड; २५ वर्षांपासून माळकरी, ११ वर्षांपासून अखंड पंढरीची वारी

कार्तिकी यात्रेच्या शासकीय महापूजेचा मान नांदेडच्या शिंदे दाम्पत्याला; उपमुख्यमंत्र्यांसमवेत विठुरायाची पूजा संपन्न!

दर्शन रांगेतून झाली होती निवड; २५ वर्षांपासून माळकरी, ११ वर्षांपासून अखंड पंढरीची वारी

पंढरपूर (प्रतिनिधी) :- कार्तिकी यात्रेनिमित्त पंढरपूर येथील श्री विठ्ठल-रुक्मिणी मंदिरात शनिवार, दि. २१ नोव्हेंबर २०२६ रोजी राज्याचे उपमुख्यमंत्री यांच्या हस्ते शासकीय महापूजा भक्तिमय वातावरणात संपन्न झाली. या महापूजेचा मान यंदा नांदेड जिल्ह्यातील हदगाव तालुक्यातील उंचेगाव (खुर्द) येथील सुधाकर दशरथ शिंदे आणि त्यांच्या पत्नी प्रणिता सुधाकर शिंदे या वारकरी दाम्पत्याला मिळाला.

 

शासकीय महापूजेच्या वेळी उपमुख्यमंत्र्यांसमवेत विठ्ठल-रुक्मिणीची पूजा करण्याचा बहुमान शिंदे दाम्पत्याला लाभला. विशेष म्हणजे, दर्शनासाठी रांगेत उभ्या असलेल्या माळकरी भाविकांमधून या दाम्पत्याची निवड करण्यात आली होती. त्यामुळे पंढरीच्या विठुरायाच्या चरणी शासकीय महापूजेचा मान मिळाल्याने शिंदे दाम्पत्याचा आनंद द्विगुणित झाला.

सुधाकर दशरथ शिंदे (वय ५८) आणि त्यांच्या पत्नी प्रणिता सुधाकर शिंदे (वय ५१) हे उंचेगाव (खुर्द), ता. हदगाव, जि. नांदेड येथील रहिवासी आहेत. त्यांचा शेती हा व्यवसाय असून त्यांच्याकडे १५ एकर शेती आहे. गेल्या ११ वर्षांपासून हे दाम्पत्य नियमितपणे पंढरपूरची वारी करीत आहे. विशेष म्हणजे, सुमारे २५ वर्षांपूर्वी श्री सागर महाराज वाशीमकर यांच्या हस्ते त्यांनी गळ्यात तुळशीची माळ धारण केली होती. तेव्हापासून त्यांनी वारकरी संप्रदायाची परंपरा आणि विठ्ठलभक्ती जपली आहे.

शिंदे दाम्पत्याला सुशिल आणि प्रणव अशी दोन मुले, तर गायत्री आणि संस्कृती अशा दोन मुली आहेत. शेती व्यवसाय सांभाळत त्यांनी विठ्ठलभक्तीचा वारसा कायम ठेवला आहे.

कार्तिकी यात्रेच्या शासकीय महापूजेसाठी दर्शन रांगेतून निवड झाल्यानंतर प्रत्यक्ष उपमुख्यमंत्र्यांसमवेत महापूजेत सहभागी होण्याची संधी मिळाल्याने शिंदे दाम्पत्याच्या आयुष्यात हा क्षण अविस्मरणीय ठरला आहे. त्यांच्या या निवडीमुळे उंचेगावसह नांदेड जिल्ह्यातील वारकरी भाविकांमध्ये आनंदाचे वातावरण आहे.

२५ वर्षांची माळकरी परंपरा आणि ११ वर्षांची पंढरीची वारी अशा भक्तिमय प्रवासानंतर शिंदे दाम्पत्याला मिळालेला शासकीय महापूजेचा मान हा त्यांच्या विठ्ठलभक्तीतील अभिमानाचा क्षण ठरला.

दैनिक प्रबुध्द राज न्युज पोर्टल ला बातम्या व जाहिरातीसाठी संपर्क करा संपादक:- श्रीशैल चिंचोळीकर 9503822387

Related Articles

Leave a Reply

Your email address will not be published. Required fields are marked *

Back to top button
error: Content is protected !!