बेंगळुरू विधानसभेत स्व.अजित पवारांच्या कार्यपद्धतीचे कौतुक; कुणी केलं असं मोठं कौतुक …पहा व्हिडिओ
बेंगळुरू विधानसभेत स्व.अजित पवारांच्या कार्यपद्धतीचे कौतुक; कुणी केलं असं मोठं कौतुक ..पहा व्हिडिओ
बेंगळुरू :- कर्नाटक विधानसभेत महाराष्ट्राचे उपमुख्यमंत्री अजित पवार यांच्या प्रशासकीय कार्यपद्धतीचे आणि निर्णयक्षम नेतृत्वाचे विशेष कौतुक करण्यात आले. कर्नाटकच्या महिला व बालविकास, दिव्यांग आणि ज्येष्ठ नागरिक सक्षमीकरण मंत्री तसेच बेळगावी ग्रामीणच्या आमदार लक्ष्मी हेब्बाळकर यांनी सभागृहात बोलताना अजित पवार यांच्या कार्यशैलीचा आदर्श म्हणून उल्लेख केला.
लक्ष्मी हेब्बाळकर म्हणाल्या की, अजित पवार यांची काम करण्याची स्पष्ट, वेळेवर निर्णय घेणारी आणि लोककेंद्री कार्यपद्धत राज्य प्रशासनासाठी प्रेरणादायी आहे. कठीण परिस्थितीतही ठोस निर्णय घेणे, विकासकामांना गती देणे आणि जनतेच्या प्रश्नांवर थेट भूमिका घेणे ही त्यांची ओळख असल्याचे त्यांनी नमूद केले.
विधानसभेतील भाषणात त्यांनी अजित पवार यांच्या प्रशासनावर असलेल्या पकडीचा, शिस्तबद्ध कामकाजाचा आणि विकासाभिमुख दृष्टिकोनाचा उल्लेख केला. महाराष्ट्रातील पायाभूत सुविधा, सिंचन, ग्रामीण विकास आणि अर्थसंकल्पीय शिस्त याबाबत त्यांनी केलेल्या कामाचे उदाहरण देत, अशी कार्यसंस्कृती इतर राज्यांसाठीही मार्गदर्शक ठरू शकते, असे मत त्यांनी व्यक्त केले.
कर्नाटक विधानसभेत एका वेगळ्या राज्यातील नेत्याच्या कार्यपद्धतीचा उल्लेख होणे ही बाब लक्षवेधी ठरली असून, या वक्तव्यामुळे सभागृहात सकारात्मक चर्चा रंगली. प्रशासकीय अनुभव, कार्यक्षमता आणि परिणामकारक नेतृत्व यांचा संगम असलेल्या नेत्यांमधील अजित पवार हे एक महत्त्वाचे नाव असल्याचे लक्ष्मी हेब्बाळकर यांनी स्पष्ट केले.
