सोलापूर रेल्वे विभागाची दमदार झेप; महसूल, प्रवासी व मालवाहतुकीत विक्रमी वाढ
सोलापूर रेल्वे विभागाची दमदार झेप; महसूल, प्रवासी व मालवाहतुकीत विक्रमी वाढ
सोलापूर (प्रतिनिधी):- मध्य रेल्वेच्या सोलापूर विभागाने आर्थिक वर्ष २०२५-२६ मध्ये महसूल वाढ, प्रवासी सेवा सुधारणा आणि मालवाहतुकीतील नवकल्पनांच्या जोरावर उल्लेखनीय कामगिरी नोंदवली आहे. विभागाने सर्वच प्रमुख क्षेत्रांत संतुलित प्रगती करत कार्यक्षमतेचा नवा मापदंड निर्माण केला आहे.
सोलापूर विभागाने यंदा एकूण ₹८९४.६१ कोटी ‘उगम महसूल’ मिळवत मागील वर्षाच्या तुलनेत ६.८५% वाढ साध्य केली.
* प्रवासी महसूल: ₹४०७.९५ कोटी (७.८७% वाढ)
* मालवाहतूक महसूल: ₹४४८.१८ कोटी (६.३१% वाढ)
* इतर कोचिंग व किरकोळ महसूलातही सातत्याने वाढ
सोलापूर विभागाने १.९९ कोटींहून अधिक प्रवाशांची वाहतूक करत ८.४६% वाढ नोंदवली. सुधारलेल्या कनेक्टिव्हिटीमुळे रेल्वेवरील लोकांचा विश्वास अधिक दृढ झाल्याचे दिसून आले.
*मालवाहतुकीत नवे विक्रम*
मालवाहतुकीत सोलापूर विभागाने वैविध्य आणि नियोजनामुळे लक्षणीय प्रगती साधली आहे.
* ‘Incremental Loading’ मध्ये भारतीय रेल्वेत ५वा क्रमांक
* IOCL, पाकणी येथे POL वाहतूक सुरू; ₹६२.४ कोटी महसूल
* मळी वाहतुकीत विक्रमी कामगिरी; ₹९.६ कोटी उत्पन्न
* साखरेचे ११६ रेक्स; दक्षिण भारतात विस्तार
* भिगवण येथे स्टील बिलेट वाहतुकीची सुरुवात
* सिमेंट वाहतुकीत सुधारित पद्धतीमुळे कार्यक्षमता वाढ
*अमृत भारत स्थानक योजनेला गती*
सोलापूर विभागातील १२ स्थानकांचा समावेश ‘अमृत भारत स्थानक योजना’त करण्यात आला असून यासाठी सुमारे ₹३३० कोटी खर्च मंजूर आहे.
यामध्ये सोलापूर, कुर्डुवाडी, पंढरपूर, लातूर, धाराशिव आदी प्रमुख स्थानकांचा समावेश आहे.
*प्रवासी सुविधांमध्ये मोठी भर*
* २९ लिफ्ट्सची उभारणी
* अनेक स्थानकांवर हाय लेव्हल प्लॅटफॉर्म
* फूट ओव्हर ब्रिज सुविधा
* डिजिटल ॲक्सेस मॅप बोर्ड
* सोलापूर येथे रेल कोच रेस्टॉरंट
* ब्रेल फलकांची स्थापना (दृष्टीहीन प्रवाशांसाठी)
आषाढी एकादशी २०२५ दरम्यान सोलापूर विभागाने मोठ्या गर्दीचे यशस्वी नियोजन केले.
* एका दिवशी ४२,४०० प्रवासी हाताळले
* प्रवासी संख्या २३.२४% वाढ
* उत्पन्नात २५.४०% वाढ
* “Zero Injury, Zero Casualty” ची नोंद
*भाडे-व्यतिरिक्त महसूलात झपाट्याने वाढ*
विभागाने Non-Fare Revenue मध्ये ३१.६९% वाढ करत ₹२.६६ कोटी महसूल मिळवला.
किओस्क, जाहिरात फलक, पार्किंग व कॅन्टीन कंत्राटांमधून अतिरिक्त उत्पन्न वाढले.
*नाविन्य आणि प्रशासनिक सुधारणा*
* तिकीट तपासणीसाठी बायोमेट्रिक प्रणाली
* वंदे भारत गाडीत अतिरिक्त डबे
* आपत्कालीन परिस्थितीत तत्काळ मदत
* क्षयरोगमुक्त भारत मोहिमेत आरोग्य शिबिरे
*आर्थिक शिस्तीचा आदर्श*
सोलापूर विभागाने ₹९.२३ कोटी साइडिंग शुल्क वसुली करत आर्थिक सुज्ञतेचे उदाहरण घालून दिले आहे.
मध्य रेल्वेचा सोलापूर विभाग हा केवळ महसूल वाढीपुरता मर्यादित न राहता प्रवासी सेवा, सुरक्षितता, नाविन्य आणि व्यवस्थापन या सर्व क्षेत्रांत संतुलित प्रगती करत आहे. आगामी काळातही हा विभाग भारतीय रेल्वेतील एक आदर्श मॉडेल ठरण्याची चिन्हे स्पष्ट दिसत आहेत.
