प्रभाग क्र. २१ | मुकुंदनगर – मार्केटयार्ड | मिशन २०२५
पुणे :पुणे महानगरपालिकेच्या येऊ घातलेल्या पंचवार्षिक २०२५ निवडणुकीच्या पार्श्वभूमीवर मुकुंदनगर – मार्केटयार्ड प्रभाग क्र. २१ मधून सुगत धसाडे (शिक्षण – बी.कॉम) यांनी नगरसेवक पदासाठी निवडणूक लढविण्याचा निर्णय जाहीर केला आहे.
सुगत धसाडे हे गेली ३० वर्षे सामाजिक क्षेत्रात कोणत्याही पदाची अपेक्षा न ठेवता सक्रियपणे कार्यरत आहेत. समाजातील वंचित घटकांना न्याय मिळवून देणे, युवकांच्या समस्या ऐकून त्यावर उपाय शोधणे, तसेच परिसरातील स्वच्छता, रस्ते, पाणी, आरोग्य व शिक्षणाच्या सुविधा सुधारण्यासाठी त्यांनी सातत्याने प्रयत्न केले आहेत.
“जनतेचा आवाज, विकासाचा ध्यास” या घोषवाक्याने प्रेरित होत सुगत धसाडे यांनी लोकांमधील विश्वास संपादन केला आहे. समाजकार्याच्या माध्यमातून त्यांनी एक जबाबदार आणि जनहितैषी व्यक्तिमत्त्व निर्माण केले असून, त्यांच्या कार्यपद्धतीत पारदर्शकता आणि लोकसहभाग हे केंद्रस्थानी आहे.
सुगत धसाडे म्हणाले की,
“गेल्या तीन दशकांपासून मी जनसेवा करत आलो आहे. कोणतेही पद न मागता समाजासाठी झटत राहिलो. आता पुणे महानगरपालिकेच्या निवडणुकीत प्रभाग क्र. २१ मुकुंदनगर – मार्केटयार्ड येथून उभा राहण्याचा निर्णय घेतला आहे.
आपण सर्व सुजाण मतदार बंधू-भगिनींनी मला आपला आशीर्वाद द्यावा आणि भरघोस मतांनी विजयी करून काम करण्याची संधी द्यावी.”
त्यांनी “Mission 2025” अंतर्गत प्रभागाचा सर्वांगीण विकास साधण्याचा संकल्प केला आहे. स्थानिक तरुणांसाठी रोजगारनिर्मिती, महिलांसाठी स्वावलंबन कार्यक्रम, तसेच नागरिकांसाठी सुरक्षित, स्वच्छ आणि आधुनिक परिसर तयार करण्याचे त्यांचे ध्येय आहे.
जनतेच्या सेवेतून उभे राहिलेले आणि विकासाभिमुख दृष्टिकोन बाळगणारे सुगत धसाडे हे नाव आता प्रभाग क्र. २१ मधील मतदारांसाठी आशेचा किरण ठरत आहे.
“जनतेसाठी, जनतेच्या सोबत — सुगत धसाडे!”
(भावी नगरसेवक, प्रभाग क्र. २१, मुकुंदनगर – मार्केटयार्ड, पुणे | मिशन 2025)
