मुंबई (प्रबुध्द राज न्युज) :बॉलिवूडचे लोकप्रिय आणि ज्येष्ठ अभिनेते धर्मेंद्र यांची प्रकृती बिघडल्याने त्यांना मुंबईतील ब्रीच कँडी रुग्णालयात दाखल करण्यात आलं आहे. वयानुसार आरोग्याशी संबंधित काही अडचणी निर्माण झाल्याने त्यांना व्हेंटिलेटरवर ठेवण्यात आलं असल्याची माहिती समोर येत आहे.
धर्मेंद्र यांना काही दिवसांपासून श्वास घेण्यास त्रास होत होता. त्यामुळे डॉक्टरांच्या सल्ल्यानंतर त्यांना अतिदक्षता विभागात हलवण्यात आले आहे. सध्या रुग्णालयातील विशेषज्ञ डॉक्टरांची टीम त्यांच्या उपचारांवर लक्ष ठेवून आहे.
धर्मेंद्र यांच्या प्रकृतीबाबत अद्याप त्यांच्या कुटुंबीयांकडून किंवा ब्रीच कँडी रुग्णालयाकडून अधिकृत निवेदन जारी करण्यात आलेले नाही. मात्र, त्यांच्या आरोग्याविषयी आलेल्या बातम्यांमुळे चाहत्यांमध्ये प्रचंड चिंता व्यक्त केली जात आहे. सोशल मीडियावर चाहत्यांकडून त्यांच्या लवकर बरे होण्यासाठी प्रार्थना करण्यात येत आहे.
Oplus_16908288
मिळालेल्या माहितीनुसार, धर्मेंद्र यांना दहा दिवसांपूर्वीच रुग्णालयात दाखल करण्यात आले होते. त्या वेळी डॉक्टरांनी सांगितले होते की, ते फक्त नियमित तपासणीसाठी दाखल झाले आहेत आणि घाबरण्यासारखे काही नाही. मात्र, आता आलेल्या नव्या अपडेटनुसार त्यांची प्रकृती पुन्हा खालावली आहे.
धर्मेंद्र यांचे वय सध्या ८९ वर्षे आहे. त्यांनी आपल्या अभिनय कारकिर्दीत “शोले”, “चुपके चुपके”, “सीता और गीता”, “धरमवीर” यांसारख्या अनेक गाजलेल्या चित्रपटांतून चाहत्यांची मने जिंकली.
ते आपल्या आरोग्याबद्दल सदैव जागरूक असतात. काही वर्षांपूर्वी त्यांनी अमेरिकेत उपचार घेतले होते, तेव्हाही चाहत्यांनी त्यांच्या लवकर बरे होण्यासाठी प्रार्थना केली होती.
धर्मेंद्र यांच्या प्रकृतीबाबतच्या बातमीनंतर बॉलिवूडमध्येही चिंता व्यक्त होत आहे. अनेक कलाकार आणि चाहते सोशल मीडियावरून “गेट वेल सून धर्मेंद्र” असे हॅशटॅग वापरून प्रार्थना करत आहेत.
मुंबई (प्रबुध्द राज न्युज): बॉलिवूडचे लोकप्रिय आणि ज्येष्ठ अभिनेते धर्मेंद्र यांची प्रकृती बिघडल्याने त्यांना मुंबईतील ब्रीच कँडी रुग्णालयात दाखल करण्यात...
